പൂര്‍വികരുടെ നാവില്‍നിന്നു ഉപദേശമായും സാമാന്യതത്വമായും വസ്തു സ്ഥിതി കഥനമായും വാര്‍ന്നു വീണ പഴഞ്ചൊല്ലുകള്‍ വാമൊഴിയിലൂടെ സാധാരണക്കാരന്റെ ജീവിതത്തിലേക്കിറങ്ങി വന്നവയാണ്.
സരസവും സാരവത്തുമായ രീതിയില്‍ തത്വചിന്തകളാവിഷ്ക്കരിക്കുന്ന പഴഞ്ചൊല്ലുകളുടെ ഉത്ഭവം പ്രാചീന സാമുദായിക സ്ഥിതികളാണ്.
'അ' വച്ചു തുടങ്ങുന്ന പഴഞ്ചൊല്ലുകള്‍:
'ഋ' വച്ചു തുടങ്ങുന്ന പഴഞ്ചൊല്ലുകള്‍:
- അണ്ണാന്‍ കുഞ്ഞും തന്നാലയത്
- അരിയും തിന്നു ആശാരിച്ചിയേം കടിച്ചിട്ട്‌ പിന്നേം നായക്ക്‌ മുറുമുറുപ്പ്
- അങ്ങാടിപ്പയ്യ് ആലയില്‍ നില്‍ക്കില്ല.
- അടിതെറ്റിയാല്‍ ആനയും വീഴും
- അച്ഛന്‍ ആനപ്പുറത്ത് കയറിയാല്‍ മകന് തഴമ്പുണ്ടാകുമോ
- അണ്ണാന്‍ മൂത്താലും മരം കേറ്റം മറക്കുമോ
- അണ്ണാനെ മരം കയറ്റം പഠിപ്പിക്കണൊ?
- അമ്മായിയമ്മയ്ക്ക് അടുപ്പിലും തൂറാം; മരുമകള്‍ക്ക് വളപ്പിലും പാടില്ല
- അമ്മയോളം സ്ഥായി മക്കള്‍ക്കുണ്ടെങ്കില്‍ പേരാറ്റിലെ വെള്ളം മേല്പോട്ട്
- അമ്മയില്ലെങ്കില്‍ ഐശ്വര്യമില്ല
- അമ്മയുടെ ശാപം അമ്മ ചത്താലും തീരുകില്ല
- അമ്മായി ഉടച്ചത്‌ മണ്‍ച്ചട്ടി ,മരുമകള്‍ ഉടച്ചത്‌ പൊന്‍ച്ചട്ടി
- അച്ചിക്ക്‌ ഇഞ്ചി പക്ഷം ,നായര്‍ക്ക്‌ കൊഞ്ച്‌ പക്ഷം
- അന്നു പെറ്റു അന്നു ചത്താലും ആണിനെപ്പെറണം
- അമ്മയും മകളും പെണ്ണു തന്നെ
- അമ്മ മതില്‍ ചാടിയാല്‍ മകള്‍ ഗോപുരം ചാടും
- അമ്മയ്ക്കു പ്രസവവേദന മകള്‍ക്കു വീണവായന
- അരിമണിയൊന്ന് കൊറിക്കനില്ല കരിവളയിട്ട്‌ കില്ലുക്കാന്‍ മോഹം
- അടുക്കളപ്പെണ്ണിനു അഴകു വേണമോ?
- അടുക്കള പിണക്കം അടക്കി വയ്ക്കണം
- അത്തം പത്തോണം
- അത്തപ്പത്തോണം വന്നടുത്തെടോ നായരേ,ചോതി പുഴുങ്ങാനും നെല്ലു തായോ
- അത്തം വെളുത്താല്‍ ഓണം കറുക്കും
- അവിട്ടക്കട്ട ചവിട്ടി പൊട്ടിക്കണം
- അത്തം പത്തിനു പൊന്നോണം
- അകലെ കൊള്ളാത്തവന്‍ അടുത്തും കൊള്ളില്ല.
- അകലെ പോകുന്നവനെ അരികത്തു വിളിച്ചാല്‍ അരയ്ക്കാത്തുട്ട് ചേതം.
- അഗ്രഹാരത്തില്‍ പിറന്നാലും നായ് വേദമോതില്ല
- അഞ്ചിലേ വളയാത്തത് അമ്പതില്‍ വളയുമോ?
- അടച്ചവായിലീച്ച കയറുകയില്ല
- അടികൊണ്ടാലും അമ്പലത്തില്‍ കിടക്കണം.
- അടിച്ചതിന്മേല്‍ അടിച്ചാല്‍ അമ്മിയും പൊളിയും
- അടിമേലടിച്ചാല്‍ അമ്മിയും പൊടിയും
- അടിതെറ്റിയാല്‍ ആനയും വീഴും
- അമ്മയ്ക്കു പ്രാണവേദന മകള്‍ക്കു വീണവായന
- അമ്മയെ തല്ലിയാലും രണ്ടുണ്ട് പക്ഷം.
- അങ്ങാടിയില്‍ തോറ്റതിനു അമ്മയൊട്
- അങ്ങാടിപ്പയ്യു്‌ ആലയില്‍ നില്കില്ല
- അരമന രഹസ്യം അങ്ങാടി പാട്ട്
- അളക്കുന്ന നാഴിക്കു്‌ അരിവില അറിയാമോ
- അരചനില്ലാ നാട് നരകം
- അരിയെത്ര ? പയറഞ്ഞാഴി
- അല്പജ്ഞനേക്കാള്‍ നല്ലത് അജ്ഞന്‍
- അട്ടയെപ്പിടിച്ചു മെത്തയില്‍ കിടത്തിയ പോലെ
- അയലത്തെല്ലാം തേങ്ങയുടയ്ക്കുന്നു, ഞാനൊരു ചിരട്ടയെങ്കിലും ഉടയ്ക്കണ്ടേ?
- അണ്ണാങ്കുഞ്ഞും തന്നാലായതു്
- അമ്പലം ചെറുതാണെങ്കിലും പ്രതിഷ്ഠയ്ക്ക് ബലം
- അപ്പത്തില്‍ കല്ലും മുറ്റത്തില്‍ ഇടപാടും
- അരയില്‍ പുണ്ണും അടുത്തു കടവും
- അല്പജ്ഞനേക്കാള്‍ നല്ലത് അജ്ഞന്‍
ആ
'ആ' വച്ചു തുടങ്ങുന്ന പഴഞ്ചൊല്ലുകള്‍:
- ആലിന്‍പഴം പഴുത്തപ്പോള്‍ കാക്കയ്ക്ക് വായപ്പുണ്ണ്
- ആന മെലിഞ്ഞാല്‍ തൊഴുത്തില്‍ കെട്ടാമോ
- ആളുകൂടിയാള്‍ പാമ്പ് ചാവില്ല
- ആന വായില്‍ അമ്പഴങ്ങ
- ആന വാ പൊളിക്കുന്നത് കണ്‍ടിട്ട് അണ്ണാന്‍ വാ പൊളിച്ചാല്‍ കാര്യമില്ല
- ആടറിയുമോ അങ്ങാടിവാണിഭം
- ആഴത്തില്‍ ഉഴുതു അകലെ നടണം
- ആരാന്റമ്മക്ക് ഭ്രാന്തായാല്‍ കാണാന്‍ നല്ല ചേല്.
- ആറ്റില്‍ കളഞ്ഞാലും അളന്ന് കളയണം
- ആനയെ വയ്ക്കേണ്ടിടത്തു പൂവെങ്കിലും വയ്ക്കണം
- ആളു ചെറുതു കോളു വലുതു
- ആശാനു കൊടുക്കാത്തതു വൈദ്യര്‍ക്കു കൊടുക്കാം
ഇ-ഈ
'ഇ' വച്ചു തുടങ്ങുന്ന പഴഞ്ചൊല്ലുകള്‍:
- ഇരിക്കേണ്ടവന്‍ ഇരിക്കേണ്ടിടത്തിരുന്നില്ലെകില്‍ അവിടെ പട്ടി കയറി ഇരിക്കും
- ഇള നാ കടി അറിയുമോ ഇളംപോത്ത് വെട്ടറിയുമോ?
- ഇല്ലംനിറ വല്ലം നിറ പെട്ടി നിറ പത്തായം നിറ
'ഈ' വച്ചു തുടങ്ങുന്ന പഴഞ്ചൊല്ലുകള്‍:
ഉ-ഊ-ഋ
'ഉ' വച്ചു തുടങ്ങുന്ന പഴഞ്ചൊല്ലുകള്‍:
- ഉടുതുണി തന്നെ പാമ്പായാലോ?
- ഉണ്ട ചോറിനു നന്ദി കാട്ടണം
- ഉണ്ട ചോറില്‍ കല്ലിടരുതു
- ഉണ്ടെങ്കിലോണം പോലെ അല്ലെങ്കിലേകാദശി
- ഉണ്ണിയെ കണ്ടാല്‍ അറിയാം ഊരിലെ പഞ്ഞം
- ഉണ്ണിപിറന്നാലും ഓണം വന്നാലും കേളനു കഞ്ഞി കുമ്പിളില്‍ തന്നെ
- ഉപ്പോളം പോരുമോ ഉപ്പിലിട്ടത്?
- ഉത്രാടമുച്ച കഴിഞ്ഞാല്‍ അച്ചിമാര്‍ക്കൊക്കെയും വെപ്രാളം
- ഉള്ളതുകൊണ്ടു ഓണം പോലെ
- ഉരിയരിക്കാരനു എന്നും ഉരിയരി തന്നെ
- ഉള്ളിക്കു പാലൊഴിച്ചാല്‍ ഉള്‍നാറ്റം പോകുമോ
- ഉറക്കത്തിനു പായ് വേണ്ട
- ഉറുമ്പു ഓണം കരുതും പോലെ
'ഋ' വച്ചു തുടങ്ങുന്ന പഴഞ്ചൊല്ലുകള്‍:
എ-ഏ-ഐ
'എ' വച്ചു തുടങ്ങുന്ന പഴഞ്ചൊല്ലുകള്‍:- എലിയെ പേടിച്ച് ഇല്ലം ചുട്ടു
- എളിയവരും ഏത്തവാഴയും ചവിട്ടും തോറും തഴയ്ക്കും
- എന്നെച്ചൊറി ഞാന്‍ നിന്നെച്ചൊറിയാം
- എടുത്തു നടന്നവരെ മറക്കരുതു
- എലിക്കു തിണ്ടാട്ടം പൂച്ചയ്ക്കു കൊണ്ടാട്ടം
- എളുപ്പം പറയാം എളുപ്പം ചെയ്യാന്‍ മേലാ
- എല്ലാരും തേങ്ങ ഉടയ്ക്കുമ്പോള്‍ ഞാനൊരു ചിരട്ടയെങ്കിലും ഉടയ്ക്കണ്ടേ?
- എല്ലായിടത്തും ജ്ഞാനി; രാജാവു് രാജ്യത്തില്‍ മാത്രം രാജാവു്
- എല്ലാറ്റിലും നല്ലതു വിദ്യയാം
- ഏച്ച് കെട്ടിയാല്‍ മുഴച്ചിരിക്കും
- ഏറെ കിഴക്കോട്ടു പോയാല്‍ കല്ലും മുള്ളും ചവിട്ടും
- ഐകമത്യം മഹാബലം
ഒ-ഓ-ഔ-അം-അഃ
'ഒ' വച്ചു തുടങ്ങുന്ന പഴഞ്ചൊല്ലുകള്‍:- ഒരു വെടിക്കു രണ്ടു പക്ഷി
- ഒന്നെ ഒള്ളുവെങ്കിലും ഉലക്കയ്ക്കടിച്ച് വളര്‍ത്തണം
- ഒന്നുകില്‍ ആശാന്റെ നെഞ്ചത്ത് അല്ലെങ്കില്‍ കളരിക്ക് പുറത്ത്
- ഒരുമയുണ്ടെങ്കില്‍ ഉലക്കമേലും കിടക്കാം
- ഓടുന്ന പട്ടിയ്ക്കു ഒരു മുഴം മുന്‍പെ
- ഓണമുണ്ട വയറേ ചൂള പാടുകയുള്ളൂ
- ഓണത്തപ്പാ കുടവയറാ എന്നു തീരും തിരുവോണം?
- ഓണത്തിനടയ്ക്കാണോ പുട്ടു കച്ചോടം?
- ഓണത്തേക്കാള്‍ വലിയ വാവില്ല
- ഓണം കഴിഞ്ഞാല്‍ ഓലപ്പുര ഓട്ടപ്പുര
- ഓണം കേറാമൂല
- ഓണം പോലെയാണോ തിരുവാതിര?
- ഓണം മുഴക്കോലുപോലെ
- ഓണം വന്നാലും ഉണ്ണി പിറന്നാലും കോരനു കുമ്പിളില്‍ തന്നെ കഞ്ഞി
- ഓണം വരാനൊരു മൂലം വേണം
- ഓന്തിനു വേലി സാക്ഷി വേലിക്കു്‌ ഓന്തു സാക്ഷി
0 comments:
Post a Comment